Neymar : Saxaafada ayaa ka shaqeyneysa isku dhaca aniga iyo Messi
Waxaa Qoray: Mohamed Abdulle Hassan "Siidi"
Xidig yaraha kooxda Barcelona Neymar Da Silva ayaa sheegay in saxaafadu ay xooga saareyso dhaq dhaqaaqa isaga iyo Messi .
Isagoo wareysi siinayay barnaamujka Barca Hat-rick waxaa uu sheegay in Messi uu yahay ciyaariyahan uusan kula jirin xafiitan uuna ku ixtiraamo in uu yahay xidiga ugu wanaagsan aduunka .
Waxaa uu sheegay in saxaafadu ay cadaawad dhex dhigeyso labadooda ayna tahay dhacdo aan lagu guuleysan doonion .
“Mar walba waxaa ay ka hadlaan labadeena ,qaabka aan uwada ciyaarno xitaa waxa ay fiiriyaan in aan kubbada isku baasno ,taas waa dhacdo laga bad badiyay .
“Ma jiro xafiltan aan kula jiro Leo ,waxaan uxushmeeyaa in uu yahay xidiga ugu fiican aduunka ,waxaan uwada ciyaarnaa hal koox waana ku faraxsanahay midaas .
“Saxaafadu waxey raadinayaan isku dhaceen ,laakiin waa mid aysan gaari doonin ,sharaf ayey tahay in aan ka garab ciyaaro Messi.
Fakarkaaga ka dhiibo adoo FACEBOOK isticmaalaya
Fikradood
Powered by
