HALKAN KA RAADSO YOUTUBE AMA HEESO

Waxaa la daabacay: Wednesday, December 12, 2012 - 20:42:18
Waxaa la aqristay: 310 Jeer.

Xaruntii Fisha Bara ee Muqdisho oo maanta la dhagax dhigay + Sawirro

Waxaa Qoray:

Munaasabad ballaaran oo uu soo qabanqaabiyay agaasimaha guud ee Wasaaradda Howlaha guud Gaadiidka Badda iyo Dekedaha Maxamed Cusmaan Cali (Dhagaxtuur) ayaa maanta ka dhacday xarunta Gaadiidka Fisha Bara ee magaalada Muqdisho.

Wasiirka Wasaaradda Howlaha guud gaadiidka Badda iyo Dekedaha Muxudiin Maxamed Kaalmooy oo ka qeyb galay munaasabadda dhagax dhigga ah ayaa dhagaxii ugu horeeyay oo dib loogu dayac tiraayo xaruntii Gaadiidka Dayactirka Fisha Bara wuxuu dhagax dhigay si mar kale dib loogu howlgeliyo.

Munaasabadda dhagax dhigga oo uu ka hadlay agaasimaha guud ee Wasaaradda Howlaha guud Maxamed Cusmaan Cali Dhagaxtuur ayaa sheegay in howshaan dib loogu dayac tiraayo ay tahay markii labaad xarunta gaadiidka dayactirka, wuxuuna sheegay inay iska kaashadeen Wasaaradda Howlaha guud, guddiga gaadiidleyda rayidka ah iyo shaqsiyaad gaar ahaaneed si mar kale xarunta gaadiidka dayactirka ay howlaheeda dib ugu bilowdo.

Agaasimuhu wuxuu sheegay in xaruntaas dib loo dhisay muddo laga joogo afar sano kaddibna ay ku burburtay dagaalkii kooxda Al-Shabaab ay ku burburisay dhowr dhismo oo dowladdu lahayd oo ku yiilay magaalada Muqdisho, kuwaasi oo bulshada wax weyn u qaban jiray haatanna Wasaaraddu ay qorsheysay inay mar kale howlgeliso si wax loogu qabto gaadiidka u baahda in dib loo dayac tiro.

Wasiirka oo dhag dhigaasi kaddib ka hadlay ayaa isna sheegay in Wasaaradda Howlaha guud iyo gaadiidka Badda iyo Dekedaha ay u xilsaaran tahay in dowladdu ay ka haqab tirto dhinaca gaadiidka, isagoo sheegay in gaadiid gaaraya ilaa 80-baabuur ay Wasaaraddu siisay hay’adaha dowladda haatanna xaruntaan dib loo dayactiraayo ay gaadiidkii u baahda dayactir looga shaqeyn doono si bulshada wax loogu qabto, wuxuuna ammaan iyo bogaadin u jeediyay intii soo abaabushay, intii gacanta ka geysatay.

FAKARKAAGA DHIIBO ADIGOO ISTICMAALAYA FACEBOOK, YAHOO, HOTMAIL AMA AOL

SI AAD UGU LAABATO BOGGA HORE RIIX HALKAN

SI AAD U AQRISATO CIYAARO OO KALIYA RIIX HALKAN

LIKE DHEH SI AAD U HESHO AQBAARO DHEERI AH¨
















Log in | Designed by Jimcale