HALKAN KA RAADSO YOUTUBE AMA HEESO

Waxaa la daabacay: Thursday, December 13, 2012 - 17:32:13
Waxaa la aqristay: 254 Jeer.

Wenger oo ka hadlay halista Juventus ee Champions League

Waxaa Qoray:

Macalinka Arsenal Arsene Wenger ayaa aaminsan in camaaliqada reer Talyaani ee Juventus ay tahay halis looga boqo koobka horyaallada Yurub ee Champions League.

Kooxda Old Lady ayaa laga yaabaa inay ku dhacdo kooxo ay ka mid ah Gunners marka la sameeyo isku aadka wareegga 16-ka oo ay soo wada gaareen Juve iyo kooxda macalin Wenger.

Tabbare Wenger, ayaa boga uu wax ku qoro ee Eurosport wuxuu ku sheegay in guusha Juve laga garan karo inay kaalinta 1-aad uga soo baxdo wareeg ay ku wehliyeen kooxo waawayn sida Shakhtar Donetsk iyo Chelsea.

“Yaynaan iloobin Juventus, oo ugu dambayntii soo bixitaankeeda xaqiijisay maalintii ugu dambaysay,” ayuu qoray odaygan Faransiiska ah.

“Qaabka ay kusoo bexeen laftiisa ayaa micne gaara leh – Waa astaan muujinaysa koox wayn oo xaalad niyadeed oo qayrul caadi ah ku sugan. Waana aaminsanahay inay Juventus dib u dhalatay.” ayuu daba dhigay

“Haatan waxaanu taaganahay wareega 16-ka – Oo aad toos u hareeyso– Waxay ila tahay inay Juventus meel dheer gaari karto waayo waa koox dadka ka yaabisa.”

Isku aadka wareegga 16-ka ayaa la sameeyn doonaa Khamiista soo aadan oo ku beegan 20-ka bishan oo haatan todobaad ka dhimanyahay.

Waxayna kooxaha ilaa haatan soo baxay ay kala yihiin…….

Group A: PSG, Porto

Group B: Schalke, Arsenal

Group C: Malaga, Milan

Group D: Borussia Dortmund, Real Madrid

Group E: Juventus, Shakhtar Donetsk

Group F: Bayern Munich, Valencia

Group G: Barcelona, Celtic

Group H: Manchester United, Galatasaray

Juventus waxay ku aadi kartaa: Porto, Arsenal, Real Madrid, Valencia, Celtic andGalatasaray.

Milan waxay wajihi kartaa: Paris Saint-Germain, Schalke, Borussia Dortmund, BayernMunich, Barcelona and Manchester United.

Waxaa Qoray
Maxamed Xaaji

 

FAKARKAAGA DHIIBO ADIGOO ISTICMAALAYA FACEBOOK, YAHOO, HOTMAIL AMA AOL

SI AAD UGU LAABATO BOGGA HORE RIIX HALKAN

SI AAD U AQRISATO CIYAARO OO KALIYA RIIX HALKAN

LIKE DHEH SI AAD U HESHO AQBAARO DHEERI AH¨
















Log in | Designed by Jimcale