1: Tuesday, December 11, 2012 - 12:44:34
2: 393 Jeer.

Qof ay dhibaateeyeen ciidanka dowlada oo la xiriiray wasiirka Arimaha gudaha si …

Waxaa Qoray:


C/kariin Xuseen Guuleed wasiirka arimaha gudaha iyo ammanka qaranka Xukuumadda Soomaaliya ayaa shaaca ka qaaday inuu lasoo xiriiray muwaadin Soomaaliyeed oo dhibaato adag ay ugesteen ciidamada xooga dalka Soomaaliyeed gaar ahaan kuwa Nabadsugida.

Wasiirka ayaa sheegay in ruux kamid ah dadka Somaaliyeed ee ku nool Magaalada Muqdisho uu Fariin qoraaleed ugu soo diray taleefankiisa gacanta ah islamarkaana uu ka cabanaye dhibaato ay ugeesteen ciidamada Nabadsugida isaga oo sheegay wasiirka inuu xiriir la sameeyay qofkaasi.

“Markii uu fariinta iisoo diray qofkaas waan la hadlay waxaana aan ku idhi ciidanka meesha ay kugu dhibaateeyen iyo waxa ay kugu sameyeen iisoo sheeg aniga aya talaabo ka qaadayee”Sidaasi waxaa yiri wasiirka arimaha gudaha.

Markii uu helay qoraalka oo faahfaahsan ayaa wasiirka wuxuu sheegay inuu la xiriiray Agaasimaha Hay’adda Nabadsugida qaranka Soomaaliyed isaga oo ku amray in talaabo laga qaado ciidanka Dowladda Soomaaliya gaar ahaan kuwa Nabadsugida.

Ciidanka Dhibaatada ugeestay qofka shacabka ayaa waxaa gacanta kusoo dhigay ciidamo kale oo ka tirsan Dowladda Soomaaliya kuwaasi oo horkeenay Agaasimaha Nabadsugida iyadoo goobtaasi uu ku sugnaa qofka shacabka ah ee a ciidanka dhibaateeyeen,durbana wuxuu farta ku fiiqay saddex askari oo jirdilka ugeestay.

Durba ciidanka Nabadsugida ee dhibaatada ugeestay muwadinka Soomaaliyeed ayaa ciidamada Dowladda Soomaaliyeeed waxa ay utaxaabeen xabsiga dhexe ee Magaalada Muqdisho halkaasi oo iminka ay ku xidhan yihiin ayna yihiin xukun sugayaal.

FAKARKAAGA DHIIBO ADIGOO ISTICMAALAYA FACEBOOK, YAHOO, HOTMAIL AMA AOL

KU LAABO BOGGA HORE OO RIIX HALKAN

BOGGA CIYAARAHA KALIYA RIIX HALKAN

LIKE DHEH SI AAD U HESHO AQBAARO DHEERI AH¨

Comments are closed

¨
















Log in | Designed by Jimcale