XARARDHEERE:-Dagaalo ayaa mar kale maanta ka dhacay deegaanada Bacaad-Weyn iyo Camaara ee Gobolka Gaguduud iyadoo ay sababeen qasaaro nafeed.

Inta la ogyahay wararka aan ka helayno degaanada dagaalada ka dhaceen ayaa sheegaya in ay u dhinteen laba qof kuna dhaawacmeen in ka badan labadaasi qofood, kadib dagaal culus oo dhinacyadaasi ku dhex maray Tuulada Beylo oo ka tirsan Deegaanada Camaara iyo Bacaadweyn.

Labada maleeshiyo beeleed ayaa isku adeegsadeen intii uu socday dagaalkaasi hubka qeybahiisa kala duwan, dagaalkana waxa uu samaayn ku yeeshay degaanada dadka shacabka ah ku nool yihiin.

Dagaalada rogaal celiska ah ee maanta ka dhacay deegaanadaasi ayaa ku soo beegmaya xili todobaadkan tiro dhowr jeer ah dagaalo soo noq noqday beelahaasi ku dhex mareen Deegaanad camaara iyo Bacaadweyn ee Gobolka Mudug.

Soomaalidamaanta
Xarardheere