Waxaa la daabacay: Sunday, February 24, 2013 - 16:52:30
Waxaa la aqristay: 232 Jeer.

Faroole: ”50-Ruux oo u badan Ajaanib ayaa loo qabtay Dilkii loo geestay Sheekha”.

Waxaa Qoray: Naciimo M. Abdi

Madaxweynaha Maamulka Puntland C/raxmaan Sheekh Maxamed Faroole oo maanta ka Khudbeynaayay Banaanbax ay isugu imaaden Boqolaal ruux oo ka dhacay Magaalada Garoowe ee maamulka Puntland ayaa waxa uu sheegay Madaxweynaha in Ciidamadda amaanka Puntland ay gacanta ku soo dhigeen ku dhawaan 50-Ruux oo ay ku jiraan ajaanib kuwaasoo loo aaneynaayo inay ku lug leeyihiin Dilkii loo geestay Sheikh C/qaadir Nuur Faarax (Gacameey).

Madaxweynaha Puntland C/raxmaan Faroole oo isagu ka qeyb-qaatay Banaanbaxa ayaa sheegay in dadka loo soo qabtay Dilka la soo taagi doono Maxkamad islamarkaana la xugmin doono haddii ay ku cadaado dilka, waxa uuna Xusay in Dilka Sheikh C/qaadir uu yahay mid la soo abaabulay Hayeeshe ay gaaren u jeedkooda dadkii dilka soo maleegay.

Sidoo kale Madaxweynaha maamulka Puntland waxa uu sheegay in maamulkiisa uu si adag ula dagaalami doono dagaalyahanada Al-Shabaab ee ku dhuumaleysanaaya Daafaha iyo gudaha Magaaladda, shacabka iyaguna looga baahanyahay inay iska qabtaan dadka qal-qal galinaaya amaanka Puntland.

Si kastaba ha ahaatee Dhawaan ayeey aheyd markii masjid ku yaala Magaalada Garoowe lagu toogtay Sheekh C/raxmaan Gacamey xilli uu salaada casar masjid Garoowe ku yaalaku dukanaye.