HALKAN KA RAADSO YOUTUBE AMA HEESO

Waxaa la daabacay: Saturday, December 8, 2012 - 13:13:23
Waxaa la aqristay: 67 Jeer.

Ciidamo Somali ah oo tababar ku soo qaatay Kenya oo soo gaaray Gedo

Waxaa Qoray:


Ciidamadaan oo dawlada loogu soo tababaray gudaha Waddanka Kenya ayaa waxay seddex bilood ay tababar ciidan ay kusoo qaateen waddankaasi kenya waxaana ay shalay ilaa dorraad gaarayeen deegaano hoostaga gobolka Gedo.

Ciidamadan oo la sheegay inay ka badan yihiin 100 askari ayaa xero ciidan oo kutaalla Seyelow tababarkaan kusoo qaatay waxana mucaskarkaasi lagu soo baray shiishka,sida ay isku bad-baadin karaan xilliyada ay go’doomaan iyo xeeladaha dagaal galista.

Axmed Cabdullaahi Xersi oo uhadlay Saraakiisha ciidamada gobolka Gedo ayaa waxa uu sheegay ciidamadaan inay yihiin kuwii Al shabaab ka xoreyn lahaa degmooyinka ay gobolkaasi kaga sugan yihiin sida uu yiri.

“Adeer waa run ciidamadaan waxay tababar kusoo qaateen dalka Kenya,waxaana hadda ay kusugan yihiin deegaanada Dhamaso,Ceel Cade iyo Buusaar waxayna xoreyn doonaan deegaanada nabadiidka kusugan yihiin ayuu yiri Sargaalkaasi”.

Ciidamadaan tababarka kusoo qaatay Kenya dibna ugu soo laabtay dalkan Somalia gaar ahaan deegaanada gobolkaasi Gedo ayaa iyagu dhawaan lagu wadaa inay weerar ku qaadaan Baar-dheer iyo Buur dhuubo oo Al shabaab iminka ka arimiyaan.

Deegaano hoostaga gobolka Gedo ayaa waxa maamula Al shabaab waxaana mararka qaar ay weeraro ku dhufo oo ka dhaqaaq ah ka fuliyaan fariisimaha Ciidamada dawlada kaga sugan yihiin gobolka Gedo dhowr jeer oo horena saraakiisha dawlada ee gobolkaasi ku hanjabeen inay shabaab ka saarayaan gobolka Gedo.

FAKARKAAGA DHIIBO ADIGOO ISTICMAALAYA FACEBOOK, YAHOO, HOTMAIL AMA AOL

SI AAD UGU LAABATO BOGGA HORE RIIX HALKAN

SI AAD U AQRISATO CIYAARO OO KALIYA RIIX HALKAN

LIKE DHEH SI AAD U HESHO AQBAARO DHEERI AH¨
















Log in | Designed by Jimcale