1: Tuesday, December 11, 2012 - 16:25:21
2: 257 Jeer.

Baarlamaanka oo su,aalo weydiyay labo ka mid ah wasiirada Somalia

Waxaa Qoray:


Wasiirka Arrimaha dibadda ahna raysalwasaare kuxigeenka dawladda federaalka Soomaaliya Marwo Fawsiya Yusuf Xaaji Adam, iyo Wasiirka Gaashaandhiga Cabdixakiim Xaaji Maxamuud Fiqi, ayaa maanta su’aalo lagu weydiiyey Xildhibaanada baarlamaanka hortooda.

Fadhigii maanta su’aalaha lagu weydiinayey wasiiradan waxaa soox aadirey 145 Xildhibaan, waxaana shirguddominayey Afhayeenka baarlamaanka prof.jawaari.

Labada wasiir ayaa horey Shirguddoonka baarlamaanku ugu yeeray si ay uga jawaabaan su’aalo la xiriira shaqadooda, kadib markii qaar kamid ah Xildhibaanadu codsadeen.

Wasiirka Arrimaha dibadda ayaa la weydiiyey waxa ay kala socota wararka sheegaya in la gatey dhismihii safaaraddii Soomaaliya ku lahayd dalka Talyaaniga iyo inla kireeyey.

Marwo Fawsiya Yusuf Xaaji ayaa arrintaas uga jawaabtey in ay guddi u saareen isla amrkaana daba galayaan arrintaas wixii ka soo baxana ay horgeyn doonaan baarlamaanka Soomaaliya. Waxaana ay raaligelin ka bixisey in arrintaas baarlamaanka aan lala socodsiin haddana ay ku daba jiraan sidii loo soo afjari lahaa.

Safiirka Soomaaliya u qaabilsan dalka Talyaaniga iyom weliba dalalka la isku yiraahdo Benelux Nuur Xassan Xusseyn (Nuur Cadde) ayaa sheegay in dhismihii safaaraddii Soomaaliya ay ku lahayd Talyaaniga la kireeyey si dayactir loogu sameeyo waa sida hadalka uu u dhigaye taas oo shaki badan la geliyey.

Dhanka kale Wasiirka Gaashaandhiga Soomaaliya Cabdixakiin Maxamuud Xaaji Fiqi ayaa la weydiiyey sababta loo xirey weriyihii idaacadda BBC -da Ibrahim Maxamed Adam kadibna loo sii daayey.

Wasiirka oo ay la socdeen Guddoomiyaha maxkmadda ciidanka qalabka sida Muungaab, iyo xeer ilaaliyaha guud, ayaa sheegay in weriyaha loo xirey kadib markii u ku been abuurtey maxkmadda ciidanka isla markaana sheegay nin toogasho lagu xukumey in aan wax qareen ah loo qaban lana soo eedayn.

Wasiirka ayaa sheegay in weriyuhu shaqada ku cusbaa isla markaana maxkmadda horteeda ka caddeyn waayey warkii uu sii daayey ee uu sheegay in uu ka soo xigtey aabaha ninka la diley, ugu danbeyntii waxaa yimid Muqidsho wefdi ka socda BBC kuwaas oo raaligelin ka bixiyey warka ay baahiyeen ayuu yiri wasiirku.

Xildhibaanada Baarlamaanka Soomaaliya ayaa u muuqda kuwo la soo baxay la xisaabtan dhab ah isla markaana ku dabo galaya wasiirada waxyaabaha dalka iyo hantidada qaranka wax u dhimaya, taas oo horey aan looga baran in lala xisaabtamo wasiirada.

FAKARKAAGA DHIIBO ADIGOO ISTICMAALAYA FACEBOOK, YAHOO, HOTMAIL AMA AOL

KU LAABO BOGGA HORE OO RIIX HALKAN

BOGGA CIYAARAHA KALIYA RIIX HALKAN

LIKE DHEH SI AAD U HESHO AQBAARO DHEERI AH¨

Comments are closed

¨
















Log in | Designed by Jimcale